مرثا بولس
دى مجنونه 🙄😱
ليه؟
بتحب حب غير الناس
عندها خيال وجنون وقلب حساس
عايشه أحلام ورديه وغرام مش موجود فى عالمنا ولا ليه أساس
وايه المشكله؟
مين دلوقتي عنده حب ذى كده
مجنون
مراهق
حساس
فياض
مليااااان رومانسيه
دلع
رقه
حنيه
طيبه
بس بس مين دى تطلع مين اللى من كوكب تانى؟
دى واحده عايشه وميته
فرحانه بس حزينه
بتحب بس بتكره الحب
قاسيه وبركان حنيه
بتضحك بس بتبكى وهى بتضحك
بريئه بس تخاف منها
حساسه بس بتموت وهى بتتعصب وتدارى وجعها
بتخاف بس بتظهر قويه
حيرتنى ده لغز ولا فزوره
لا دى اسطوره
نادره لما تلاقيها
وصعب تصمد قدام عينيها
والكل بيتهافت عليها
مجنونه بس فى الحب انهار يكفى كل اللى حواليها
تشوفها تنجذب بدون وعى ليها
عرفتها دى عروسة البحر؟
لا دى عروسه الاحزان
دى فرحه الزمان
دى ينبوع حنان
دى هدية الزمان
دى الخطر ودى حضنها امان
دى قصة وحدوته كل زمان
وكان ياما كان
مجنونه من ايام زمان
لسه قلبها عايش فى الغرام مسجون
بقلمى مرثا بولس
Commentaires
Enregistrer un commentaire