المهندس حسن محمد خليل
المهندس حسن محمد خليل
ايام جميله عشناها فى رمضان
كان ياما كان
كان فى زمان
أيام حلوة فى رمضان
كنا بنفرج ونهيس
وماسكين بايدينا الفوانيس
فرحة تحس زفة عريس
ويضرب المدفع باعلى صوت
نطلع. نجرى على البيوت
كل واحد فينا مبسوط
ندخل نلقى العيلة
حولين طبلية عملين هليلة
فرحة من القلب جميلة
ابويا وامى لمنا حواليهم
واخواتى فرحانين وانا جنبيهم
وسفر ة تسر قلبيهم
ونحلى بصنية كنافة
الله عليها جميلة واخر لطافة
مع نكتة حلوة اخر خفافة
ونقوم نلبس بعد التفاريح
نجرى نصلى صلاة التراويح
ونرجع نركب كمان مراجيح
ونروح نلعب كورة شراب
لحد الفجر انا والصحاب
نصلى الفجر ونروح مع الاحباب
كانت جميلة قوى ايامنا
وبسيطة قوى احلامنا
كنا قلوب شايفة بكرة جميل قدامنا
كانت فى بركة
كنا بنجرى من السعادة وفى حركة
كنا ديما فى كل شئ شوركة
كنا بنعزم وبنتعزم
كان الفقير بياكل معانا مش بيتحرم
كان فى خير كان فى كرم
كنا بتخاف على بعض
عايشين مع بعض
مدفيين بعض
كنا عيلة وتد فى الارض
دلوقتى واتس وفيس بوك
عملنا كتير لبعض بلوك
كلوا قافل بابوا على نفسه بيسك
لإعاد لمة
ولاعاد هليلة
وراحت كمان لمة العيلة
وماتت خلاص ذكرياتنا الجميلة
وبقينا نقول كان ياما كان
كان فى زمان
ايام جميله عشناها فى رمضان
Commentaires
Enregistrer un commentaire