المهندس حسن محمد خليل

المهندس حسن محمد خليل

نرجع تانى لنفس الحدوتة

بنرجع تانى توتة توتة

لنفس الفيلم والحدوتة

نلقى ضحكتنا االمكبوتة

مرسومة على البيبان

قدرنا يكونوا من نصيبنا

ومعاهم الهم يصيبنا

وان يوم الفرح قرب وصابنا

فى ثانية يملونا بالاحزان

اكن مكتوب علينا

ممنوع الفرح لينا

ولاتضحك فى يوم عنينا

محبوسة بين أربع حيطان

ولو فكرنا فى يوم نتصالح

ونيجى على نفسنا ونسامح

بسرعة البرق يفرقنا كلام جارح

والخصام أصبح لينا عنوان

طب ليه مكتوبلنا يازمان

كبرنا لاحبينا ولااتحبينا

ولاعشنا العمر فى امان

ولافرحنا ولااتهنينا

ولا حسينا لابدفا ولابحنان

وكأننا شي طواه النسيان