ابن مصر الشاعر محمود فوده
لســـه شايفينك يا غاليـه
فى وسطهم عاليه المقـام
رغــم كُــره الخلق راضيه
مش فـى طبعـك الخصام
عـــدي بينا معــاكي ربــي
إفرحـــي وبـلاش تعاتبــي
لســـه حبك جـــوا قلبـــي
م النـــهارده لألـف عـــــام
حبي فيك على أد علمـــي
إنـــي بتمنــاك فى حلمــي
لســـه بشتـــاقلك يا أمــي
كــل ليــــله فـــى المنـــام
همك إنتــي يبقــى همـــي
يلـي حبك بات فى دمـــي
حتى ريحتي فيكي شمـي
إبن مصـــر مفيش كــــلام
مش هسيبك ولَّا اخـــونك
عهدي ليك العمــر اصـونك
تكفــي طلــه من عيـــونك
وقت صبحك في انسجام
هاتــي من شمسك دفـاهـا
إروي روحك من هـواهــا
شــربه مـن نيـلك دواهـــا
وازرعــي فى ورد الغــرام
لســـه شــايفــك أم لينــــا
لمـــا نغــلط تحتـــــوينــــا
يــا ام احمـــد ويــا مينـــا
دول ولاد أرض الســـــلام
فى الغضب لأ مش عاديـه
عمـــرها مــا كانت هفيـــه
قالــوا مصــر دي القــويــه
مهــما رسمـولها فى ظـلام
شــدي حيــلك بس إنتـــي
لأ وعمـرك يوم ما هونتــي
رافعـــه راسك مهمـا كنتـي
فـوقــي مـن سهـــوك أوام
وقت غضبك ليه مقــولتـي
بـان عليــك إنك زعلتـــــي
إنتي ليه عمــرك ما نمتــي
صاحيــــه وولادك تنــــــام
فيـك طبــع عجيب ولكــن
واخــده روح كـل الأمـاكـن
إسـألـوا عنــها اللـي سـاكن
فى الحنان واخده الوسـام
همـا دايبين ليـه ف عنيكي
وانتى همـك مش ناسيـكي
العيـــون ليـه كتير عليكـي
زى خفـــافيش الظــــــلام
لأ دي مصـــر ومصــر هـي
لعبـَـه دورهــا فـى تمثيليه
لســـه روحــها كتيــر عفيه
بتطعنـــوهـــا بالســـــهـــام
دا الأمـــــان علـى أرضـــها
والشــــرف دا فـى عِـرضها
شوفـوا طولـها وعَــــرضها
قالـوا دي مسـك الختـــــام
ولا شـــوفـوا الجندي فيـها
قــال بدمــي انـا بشتـريـها
روحـــي ما بتعلــى إلا بيها
وقت مــا بَــــدي التــمـــام
العـــزيمه فـى تــوب ولادك
والكـــرامــه دي أصـل زادك
وقت جـــرحك من أعـــادك
كم شهيــد ضحـــى وكــــام
مـــات عشـــانها وتبقى هـى
أمُنــــا وتفضــــل أبِيـــِّــــــه
بين بلاد الكــــــون عافيـــه
تستـاهل أحـــلى الكــــــلام
من ديوان إبن الصياد
بقلم /محمود فوده
Commentaires
Enregistrer un commentaire